مبروك كسبت مليون جنيه

لو فوجئت بمليون دولار بين يديك وترجوك ات تتصرف فيها كيفما تشاء...........فكيف سيكون تصرفك فيها.....الموضوع ظريف وخفيف وفيه روح الكوميديا والدعابة .........الموضوع مطروح للعرض والمناقشة ....وفي انتظار مشاركة الأعضاء

لهذه الدرجة هناك قناعة ولايريد أحد أن يكسب مليون دولار.............قليلة المليون دولار .............ماذا تريدون ...مليار دولار..............هتبقي واسعة وموش مبلوعة

هي مليون جنيه ولا مليون دولار يا استاذ عطا؟؟!!!
ما علينا شوف يا استاذ عطا التصرف هنا هيختلف باختلاف نظرة الانسان للمال فلو كان المال غاية فسوف ينكب الشخص على هذا المبلغ ويموت دونه وان كان المال وسيلة فسوف يسعد الانسان سعادة غامرة لانه وجد ما يمكنه من خلاله ان يقدم ما يكسب به رضى الله عليه...
انا عن نفسي لو المبلغ ده معايا هتبرع بنصه لمستشفى 57357 والباقي بقى لسه لما اعرف هعمل بهم ايه هاقولك

عودة حميدة يا أخ حسام ..........ولعل السنة القضائية تكون انتهت علي خير.............
فيه نكتة بخصوص المليون جنيه او دولار.......كان فيه مرة واحد مريض بالقلب وكسب المليون خافوا يقولول له لحسن يموت من الفرحة ......فاختاروا العمدة يبلغه بالخبر .......حاول يجيبها له العمدة بالتدريج .....قال له لو كسبت مليون جنيه هتعمل ايه ..........راح قال للعمدة :هاديك نصهم......راح العمدة طب ساكت

أنا عن نفسي هعمل بهم لحاف واتغطي به وكفاية عليا المليون جنيه وتغور الدنيا باللي فيها

حلم الليل والنهار كتب:: أنا عن نفسي هعمل بهم لحاف واتغطي به وكفاية عليا المليون جنيه وتغور الدنيا باللي فيها

للدرجة أنت بردان ما اسلفك ميت لحاف وسيب لي المليون جنيه

متتغطي بالمليون لا بعشرة آلاف بس وهتتدفي خالص

لايموني أنتوا بس عليهم وأنا موش هنساكم

دايما الجعان بيحلم بسوق العيش جاتنا نيلة في حظنا

زائر

ياعم ارض بنصيبك والحمد لله ان احنا كده حد عارف لو معاك المليون دولار دول شكلك هيبقي ازاي واحمد ربنا