حضرة الناظر المغرور

فاكر ان الدنيا مناظر وعشان ناظر راح نتسخر ليك

يلى القرش وحب القرش غاويك

ليه يارسول العلم تدوس عاالعلم ويلعب بيك

فاكر ان الدنيا مناصب علشان كرسى بجوز مسامير

صانعه بايدك ويكون عيدك

لما يقولو عليك داكبير

نظره ياناظر صحصح فوق عالحب ودوق

ياما طمعت ويامااخدت وياما اكلت حقوق

اصح وفوق وبلاش تنطيط لا الدنيا تشيط

وكفايه عنطظه وكفايه منجههه وكفاية شخيط

الف خساره كلمه بتقف جوا الحلق هقولها ملانه مراره

جمع القرش ولستغلال ماصبحش شطاره

عبود علشان يزرعلك زرعه يغيب له يومين

وعويس علشان بيقاسمك بتشيله فى نن العين

هتروح من ربك فين هتروح من ربك فين

الناظر المغرور ده فعلا بقي حقيقة وأمر واقع موجود في حياتنا

هو ده ناظر ولا العمدة ولا شيخ البلد ولا؟؟؟؟؟؟؟

والله كل إنسان بيستغل منصبه وبيتعالي علي الناس ويوقف المراكب السايرة

ما اروع العامية لما نراها من اشرف
وهو لا يرتدى عباءة احد
بل يرتدي عبائته بأسلوبة الشعرى المميز
وادواته الراقية
وحوارة الراقى
وكلماتة التى تعبر عن القضية ةلا يصلح الاها فى موضعها

البحر فعلن فعلن فعلن فعلن متكرره

نغمة لذيذة تنقل القضية الى المتلقى ببساطة وتشركة فى الحوار
كلمات من رحم البيئة المصرية وهنا يبرز ان شاعرنا بن بيئته

والتلميح بالاسماء رائع جدا يا اخى الكريم
ممن يستغلهم هذا الناظر فى مصالحة الشخصية

انتظر منك المزيز