أنا العمده

ممكن نطرح سؤال ونشوف الأجوبه ؟
تخيل نفسك عمدة البلد ؟ ما هي الإيجابيات التي سوف تحافظ عليها وما هي السلبيات التي سوف تعالجها ؟

ايه يا جماعة فين أراء بقية الناس

الظاهر إن منصب العمده في البلد قد خبا نجمه وانطفأبريقه رغم ان كان زمان تقوم له معارك

هل يشعر شباب القرية بالعمدة ودوره.........؟
هل للعمدة دور في القرية............؟
هل يشارك العمدة أهل القرية في مناسباتهم........؟
هل يعتبر العمدة نفسه كبير العائلة............؟
من عمدة جديدة المنزلة.............؟


للإجابة علي هذه التساؤلات يستطيع الشباب الرد والمشاركة في هذا الموضوع


ولكم تحياتي

عطا درغام
بورسعيد

نحن فى انتظار الردود

أنا لا يمكن أتخيل نفسي عمدة لاني موش عاوز أبقي عمدة.........وأنا اخترتك ياخالد للعمودية .........قول بقي أيه اللي هتعمله في البلد





عطا درغام
بورسعيد

ايوه قولى هتعمل ايه

أيه ياخالد
موش عاوز تبقي عمدة

شوفوا يارجاله لو لا قدر الله بقيت عمده البلد أول حاجه هقفل القهاوي كلها من الساعه عشره مساءاً تاني حاجه هعمل فصول تقويه بجد للتلاميذ تالت حاجه هخلي الغفر يبقوا غفر بجد لانهم زي عدمهم تالت حاجه ودي بقي الأهم هخلي الشرازم المتنشره في البلد اليومين دول تتلم وتدخل جحورها زي زمان كمان لازم اخلق ترابط اهل البلد زي أول وبلاش بقي كل واحد عامل نفسه أبو عرام الكل سواسيه

والله كلامك جميل ياعم خالد........بس لي عندك طلب ........أنا مابحلمش إني أكون عمدة .بس اخترني شيخ خفر.............!!!!



عطا درغام
بورسعيد

بس فيه ملحوظة يا أستاذ خالد ان العمدة مش من حقه يقفل المقاهى الساعة العاشرة مساءا

علي فكرة ياخالد فصول التقوية دي كنا بنقوم بيها زمان........وأول من قام بها مجموعة الدكتور محمد الأمير والمهندس أبو النور أبو المعاطي وشقيقه الأستاذمحمد ثم تجددت علي يد مجموعتنا المحترمة تحت قيادة الدكاترة محمد رفعت ومحمد المشد والأستاذ محمد الإمام والأستاذرضا عرفةوشقيقه محمد عرفة..........ولماذا لا تتبني هذه الفكرة يامحمد ياهلال انت ومجموعة من المتحمسين في القرية............وعلي فكرة فصول التقوية التي كنا نعملها كان لها صيتا كبيرا ووصلت شهرتها إلي ميت خضير وكان يأتي لنا أكثر من 50طالبا منها......صدقني الفكرة جميلة ...بس اتحمس لهاانت



مع تحياتي

عطا درغام
بورسعيد

هذه الفكرة تحتاج إلى دراسة ومجموعة من المتفرغين

للأسف لم يعد منصب العمدة كما كان وهو الأن كعدمه

لو أنا عمدة لازم اول حاجة اعملها القضاء على الفتن والتخلص من الشوية الزبالة اللى ماشيين بين الناس بالفتن فى البلد والحمد لله انهم قلة قليلة

أنا مش شايف انى غلط فى حاجة المشكلة ان فيه فعلا شوية فتنة فى البلد وقائدهم ملقب بالشنكوتى وانا مش هذكر اسمه منعا للاساءة لافراد بعينها ولكن هذكر اللقب فقط المشير الى الشخص ولو انت قاعد فى البلد هتعرف كل ده

أنا لو كنت عمدة أول شى اهتم بيه فض بعض النزاعات والمشكلات الموجودة بين أبناء القرية ثانيا اهتم بالرقى بحالة شباب القرية ثالثا اهتم بتوفير رغيف العيش

لا عمدة بجد

فكرة ظريفة يا اخويا بس انا كده بقيت اخو العمده
سن القوانين أنت وانا انفذها;)

أول حاجه هعملها لما أبقي عمده بأذن الله هنقلب بالجديده واعملها جمهوريه مستقله وبعدين أسقط جنسيه عطا عن الجمهوريه وبعدين اعمل انقلاب علي نفسي واسقط الجمهوريه وأرجع البلد لمصر تاني وكل ده علشان خاطر مصر وشعب مصر

تبقى جمهورية الجديدة المستقلة دى ولا الاتحاد السوفيتى
يلا يا عم عطا وانا هاجى معاك لجمهورية زفتى

منصب العمدة يحتاج صدر رحب لجميع الناس للاسف تجد أن العمد فى أغلب القرى وانا لا أخص بالذذكر احد منحاز لجهة من الناس عن جهة أخرى وان كانت الأولى هى الباغية