ما رأيك فى طريقة توزيع العيش بجديدة المنزلة

المفروض البلد تخبز في البيت بدل ما تنتظر توزيع الخبز من بره عيب ده احنا فلاحين

لسا برده الأمور محتاجة شوية تضبيط يعنى العيش فى ناس بتأخذ بنص جنيه وناس بتأخذ ب 75 قرش والتوزيع يوم ويوم يعنى الامور لم تستقر بعد .

عزاء واجب.. توفي إلي رحمة الله المرحوم رغيف العيش بعد صراع طويل مع مرض "القمح المسرطن".. والفقيد شقيق الرغيف "الفينو" والرغيف "الكيزر" وابن عم "الفطير المشلتت والرقاق" وقريب ونسيب "السميط" و"الكحك" و"البسكويت".. يقام العزاء يومياً طوال الليل والنهار للسيدات والرجال معاً أمام جميع المخابز علي مستوي الجمهورية.. للفقيد الرحمة ولنا جميعاً الصبر والجوع

عملية توزيع العيش خطا وسبق ان طرحت رايى على الاستاذ محمد اسمر وان الغرض منها هو خلق فرص عمل للشباب وليس اى شباب لكنهم الشباب المتحاجون فعلا وليس اللذى عندهم مورد رذق من ارض ومحلات وخلافه قس على ذللك واسال السؤ ال هل تم توذيع الخبز على المحتاج فعلا دون ذكر اسماء ام انه خضع للاهواء الشخصية ذات القرابة والمعرفة حسين عرفة

احنا عايزين نشوف حل لموضوع يوم ويوم ده الناس زهقت من كتر الانتظار

الوضع لسا مش مستقر لان احنا بناخد ب 75 قرش يوم ويوم طب ده يرضى مين لما اسرة طويلة عريضة تاخد 15 رغيف طول اليومين

الموضوع يا جماعه اكبر من قله الكميه او الجوده إلى عرفته مؤخراً والله أعلم إن المبلغ إلى إتلم فى اول الامر كان5500 جنيه مصرى فقط لا غير المهم بعد المصاريف والذى منه والاكياس والعربيه والمهلبيه سمعت أن هناك مبلغ 2000 جنيه مفقودين حتى الآن فعلى من يجدهم الاتصال بنا على الموقع او بمعنى ادق عاوزين حد يطلع يرد نحن لا نتهم أحدمعين ولكن إلى على راسه بطحه يحسس عليها وبعد ما يحسس عليها احنا ممكن نعالجهاله مجانا أظن عيب أوى المتاجره بقوت الغلابه وإذا ثبت تورط أحد فى هذا الامر
فيجب أن يعاقب مش كده ولا إيه وبكرر كلامى للمره الالف وبقول سمعت ومش بأكد إلى سمعته وياريت يكون كدب

انا برده سمعت الكلام ده ولازم تكون فيه رقابة على هذا الموضوع لان هذه فلوس ناس مش لعب عيال

لحد ما هذه احسن طريقة للحصول على رغيف الخبز ..على الاقل انت عارف ان لك عيش النهارده...المطلوب الان هو زيادة الكمية باسرع وقت ممكن ..والمفروض اعضاء المجلس المحلى يتدخلوا لزيادة الكمية