مشكلة الاسفلت

بسم الله الرحمن الرحمين الرحيم


فى البداية اقدم جزيل الشكر لكل من ساهم فى انشاء هذا الموقع بداية من الصغير الى الكبير وكل من قام بالمشاركة الايجابية فى طرح الموضوعات الخاصة بالبلدة ومحاولة حلها والعمل على التطوير والتحديث فى هذا المنتدى .



وفى بداية كلامى انا مش هعمل مقدمات ولا كلام فاضى وهما كلمتين بس:


قعدنا نقول نطور ونضف نضفنا ولاحمد لله تم رصف بعض المناطق فى البلد والحمد لله الذى انعم علينا بذلك يبقى احنا المفروض علينا المحافظة على ذلك مش زى ما يحدث من رمى مياة غسيل وقمامة اين المحافظة على تلك الطرق وايضا كل شخص مر من امام منزلة الرصف يخاف على عيالة ويقوم عامل مطب ويا ليتة مطب صالح بل مطب اسف فى الفظ (خاذوق فى الشارع) يا عالم دا مش طريق سريع دا طريق وسط بلد يعنى صعب ان حد يجرى علية وعلشان كدة اللى يقدر يعمل اى حاجة فى الموضوع دة يتحرك لان كدة يبقى احنا لا نستحق اى تطوير او خدمة للافضل .




والسلام عليكم ورحمة الله وبركاتة

احنا مش ضد المطبات لأن الموتسيكلات والتكاتيك بتجرى بسرعة خرافية لكن احنا ضد ان المطب يكون صغير يعنى انت لو مشفتوش واكلته اكيد عربيتك او موتسيكلك هيجوا نصين زى المطب الغبى اللى عند دكان حسن عباس

على فكرة يا أستاذ ضياء هنفرد الفترة اللى جاية ان شاء الله تغطية عن أخبار انتخابات المحليات

أيوه نريد أن نعرف أخبار الترشيح للمحليات

فعلا يابو عزت
فيه جديد عن المحليات............ياريت الأخبار أول باول

الاسفلت خطوة مهمه جدا للنهوض بالبلد يا جماعه ...احنا كنا نطول ان تكون شوارع البلد بها اسفلت ..المهم نحافظ عليها ...وبالنسبة للمحليات بلاش نتكلم عليها لان الجميع يعلم جيدا ما يحدث فيها