يوميات صعيدى بيحب بنت ستايل اوى فى الجامعة

حاضر يا محمد ححط الحلقات كلها بس فعلا عندك حق فى حكاية الصعايدة دول وربنا معاهم...

أنا بشكر الاستاذ أحمد حمزة على الحلقات دى وعايز اعرف هو مين الى بيجطها احمد حمزة ولا محمد الشبراوى

وثانيا احب اقول للأستاذ محمد عزت لازم الحلقات توضع مجزءة والا تفقد عنصر التشويق

االى الاخ العزيز التل الصامت اولا اشكرك على ردك على الموضوع وثانيا انا الى بحط الحلقات دى مش محمد الشبراوى.يا زمالك ارفع ايدك الاهلى هو سيدك

دى بقى الحلقة التانية من يوميات صعيدى وبنت استايل اوى فى الجامعة.......... وجة اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها
وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين


احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عاجبك
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين والدك....


وفجأة سمع صوت الدكتور بيناديله ......

الدكتور:مالك يابني مكشر من اول السنة ليه كده
احمد :لو سمحت معاك نمرة ماحمول العميد
الدكتور : ههههههههههه ايوة ليه
احمد : عاوز اقدم شكوى في البت دي
نور :متقولش بت
احمد :هجول بت وستين بت كمان قومي يلا
الدكتور : بس بقى اخرس شوية يا اما هطردك
احمد : انا ...تطردني ليييييييه هاتلي مكان سعادتك
الدكتور : تعالى اعد جنبي هنا على الكرسي ده
احمد : وااه...اجعد جنبك مرة واحدة يا داكتووور
الدكتور :ايوة تعالى

وهو نازل راح وقع الكتاب بتاع نور ورمى اقلامها
راحت نور ضربته على ضهره..قال ااااااااااااه
وصوته سمع المدرج كله والكل فضل يضحك عليه


الدكتور : اطلع برا يلا...مش هتحضر المحاضرة
احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس
وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي
احمد : على ايه بقى ما المحاضرة خلاص
نور : خد المحاضرة بتاعتي انقلها وانا هستناك
احمد : بجد بتتكلمي بجد
نور : ايوة مع انهم اكتر من عشر صفحات بس هستناك
احمد : متشكر يا مازمازيل نورة
نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت
بس شكلها طيبة جوي....الخط مش كل حاجة في الانسان يعني
احمد لمح نور وهي جاية وبتبتسم بخجل

و لو عايزين تعرفوا قالتلوا ايه تابعوا الحلقة الجاية ان شاء الله

جهد مشكور ياابو حميد والموضوع لذيذ

ربنا يخليك يا عمرو وانتظروا منى المزيد

شكرا ونريد المزيد

بعد ما الدكتور طرد احمد من المحاضرة بسبب نور
وخرج زعلان خالص ونور صالحته وقالتله خد المحاضرة انقلها
واثناء ما كان بينقلها وبيقول خطها وحش بس هي طيبة كانت هي جاية بتبتسم

نور : احمد انت خلصت المحاضرة
احمد : لأ لسة انا في اول صفحة مش عارف اجرا الكلمة دي
نور قرت الكلمة
نور : اوكي كمل انا هستناك
احمد :لا لا انتي لازم تروحي دلوقتي عشان انتي اتأخرتي خالص
نور : طيب والمحاضرة
احمد : تتحرج المحاضرة
نور ضحكت ضحكة رقيقة جدا حركت قلب احمد الاسد
احمد : ممكن اوصلك لحد الباب...والله لحد الباب بس
نور : اوكي اوكي مفيهاش حاجة اتفضل
احمد : انتي في الجامعة هنا من امتى
نور :ايه يا احمد انا في سنك لسة اول سنة
احمد : انا عارف انا عارف
احمد : وياترى دخلتي هنا واسطة ولا ايه
نور : هههههههههههههههههه ...احمد مالك في ايه
احمد : لا بهرج معاكي
نور : تعرف انك
احمد :اني ايه
نور : طيب اوووي
احمد : وانتي انسانة محترمة اه فعلا محترمة بجد
نور : ميرسي
احمد :يالهوي ياني انا منجلتش المحاضرة بتاعت النهاردة
نور : ميرسي يا احمد على التوصيلة الجميلة دي منك
احمد : انتي رايحة فييييييييييييييييين
المحاضرة
المحاضرة
المحاضرة
وووووووونشوفكم الحلقة الجاية ان شاء الله ومع يوم جديد من ايام الجامعة
و احمد ونووووور


وانتظروااااا يا أحلى صحبة فى الدنيا ويا احلى منتدى الحلقة الجاية
علشان الدنيا هتتظبط مع احمد خاااااالص

ربنا يخليك ياميدو بس ممكن اعرف انت مين لان الصورة جاية من بعيد

كمل يا احمد متبقاش بارد

هو كده طول عمره بارد ورخم

ماشى يا اصحابى ..دى الحلقة الجديدة

اى خدمة مظبطكم اهوة مفيش حد يكلم بقى ومش هكمل حلقات الا لما تعتذرولى .....

شكرا احمد على الموضوع الباشا دة بجد الموضوع دمة خفيف

اوكي يا ابو حمزه حلوه بس هل هي ماخوذه عن قصص حقيقيه ليك