من هو رجل الخدمات فى جديدة المنزلة ؟

- مجدى الامير
2 - محمد القيرانى
3- احمد شلباية

4 - غير هؤلاء

مجدى الامير

ابراهيم عماشة

رجل الخدمات الاول فى القرية ذهبت ايامه ونعيش على ذكراه ! ! ! ! !

رجل الخدمات وبلا منازع ابراهيم عماشة

سؤال لصاحب الموضوع

لو فية حد من التلاتة الى انت كاتبهم عمل حاجة قول احسن ماسمعتيش عنهم غير فى اللجنة بتاع الانتخاب

على فكرة يا جماعة الأستاذ ضياء المشد كتب الموضوع كاستبانة عن الأعضاء الذين يمثلونا مش علشان نقع فى بعض وملوش لازمة نجيب سيرة اللى فات خلينا فى الوقتى والمستقبل

مجدى الأمير ابن البلد

عندى توضيح للعضو جديداوى

لما أقول مجدى الامير ما اقولش عشان هو ابن البلد لا عشان هو مجدى الأمير شخصه وبذاته بعيد عن حتة ابن البلد عايزين نبطل الكلمة دى .

على رايك يا عم مسعد الله يرحم ايامه اللى مش ممكن تتعوض ابدا.وعجبى عليك يا زمن

ههههههههههههه
كل اختار مجدى الامير علشان اعينه فى شغلانه زى واحد اعرفه مشغله فى الكهرباء
والتانى علشان قريبه محدش بيقول كلمة حق الى القليلين
وفعلا وبقولها امام الجميع مفيش غيره الحج ابراهيم عماشة

يا أخ عمرو أمين أو كما سميت نفسك أمورة الجديدة

لما أقول رأى يبقى الرأى ده يخصنى لوحدى ليس لك الحق أنك تحاسبنى عليه ماشى يا عم عمرو ياللى فاكر نفسك ناصح

اعتقد ان رجل الخدمات يجب ان نختارة من حيث من هو اكتر واحد خدم البلد

واكتر انجازات حصلت فى فترة م _ابراهيم عماشة يمكن لانها كانت فترة كافية لاثبات انة الاجدر بالثقة

والوقت مازال متسع امام أ_ مجدى الامير ليثبت ذالك ايضا وعلى فكرة احسن من غيرهم كتير اوى

ارجو من الاعضاء متخدش المواضيع على صدرها وهدى نفسك ياابم عزت انت وعمرو امين الموضوع مش مستاهل

رجل الخدمات الاول فى القرية هو مجدى الامير

هههههههههههههههههههههههههههههههههههههههههه


للصبح

رجل الخدمات الاول مجدى الامير

محديش خدم الجديدة زى اهلها

فيه واحد ياجماعة خدم البلد بمساهمتة فى جميع المنشآت اللى اتعملت على ارض جديدة المنزلة وكان له فضل بعد الله سبحانة وتعالى فى اقامة هذه المنشآت لأن لولا تبرعة وحبة لبلدة ماتم من هذا العمل اى شىء وهو المحوم الحاج / محمود الحواوشى رحمة الله واسألكم له الفاتحة

يا جماعه مش عاوزين تجريح فى حد طبعا رجل الخدمات الاول فى البلد فى الماضى هو الحاج ابراهيم عماشه بلا منافس ولكن ساعده فى ذلك ابناء شرفاء وجنود مجهولون من ابناء القريه كانوا خايفين على مصلحه البلد يعنى الحاج ابراهيم كان يقول عاوزين حته الارض علشان المبنى الفلانى الصبح تلائها جاهزه يعنى العمل فيه نيه صافيه وود بين جميع الاطراف اما فى الفتره الحاليه فهو الاستاذ مجدى الامير ولكن ينقصه الصحبه المحبه لبلدها زى زمان وصدقونى يا جماعه ما فيش عضو مجلس شعب او شورى له القدره على ارضاء جميع الاطراف صعب جدا واجازاته تقاس بالمصالح العامه فى بلده وغير بلده الا ان بلده لها الاولويه

ردك جميل استاذ وائل ضبيع ولكن ابناء الجديدة موجودين وبيسعوا لمصلحة البلد بكل قوة لكن المشكلة مين اللى يأخذ بأيدهم أيام البشمهندس ابراهيم عماشة مكناش شايلين هم كان بابه مفتوح للكل

احنا يا جماعة عايزين حد يأخذ بأيدنا

اهل الجديده ومش حد غيرهم

من غير فلسفة { عد غنمة يا جحا قال واحدة قايمة وواحدة نايمة } ؟؟؟؟
الله يرحمك يا حاج ويرحم أيامك اللى الناس عرفت فيها هى ليها إيه !!
يمكن الوضع اختلف والبلد أقصد ( مصر ) وليس الجديدة وضعها اختلف بالنسبة للنواب والدعم المقدم من الدولة والتسهيلات للأعضاء التى إختلفت من أيام عماشة إلى الآن ولكن لا نجحد رجل سعى ويقدر له السعى من أجل هذة البلدة وأعلم أنه ليس من جيبه ولكن يقدر له السعى فلا داعى للمزايدات ولا للغلط ولا ( للغط ) ولا للعصبية التى تخرج من قصارى الفهم و لا لتقسم الناس العمايشة والشلابوة ونسيان عائلاتهم وهوياتهم ودعونا نتحدث بالمنطق ولا للطبل ولا للذمر لأنه لا يجدى نفعآ وأعان الله الجميع لتحقيق الكثير والمزيد من الخدمات للغريب أو القريب لأن الى ما لوش خير فى أهله ما لوش خير فى حد ؟؟؟؟؟؟؟؟

أنا كوني راجل مغترب عن البلد من فتره ليست بالقصيره أجزم أنه لا يوجد في القريه رجل خدمات لاني كل ما انزل للبلد زياره اجدها اسوأ من الزياره السابقه كما أني لاحظت أن الاصوات العاليه في البلد أصبحت لأناس لو كانوا وجدوا في زمن الرجال لما سمعناهم ينطقون نحن في القريه نعيش زمن عز فيه الرجال الله يرحم العمد السابقين وشيوخ الخفراء السابقين ورجالات البلد السابقين من لم يراهم لا يستطيع ان يقيم الرجال ......... خالد الأمير

بلا نقاش هو المهندس ابراهيم عماشه والماضى يشهد بس مفيش حد يجرح فى التانى وموش عايزين نزعل من بعض ياجماعه اهم شىء مصلحه البلد وربنا يصلح حال الجميع لا اله الا الله[

ارض الجديدة هى التى تشهد من هو رجل الخدمات بعيدا عن اى تعصب بعض الاعضاء قالوا انه مجدى الامير والاخ شعبا ن الحاج محمود والاثنين من البلدة وواجب عليهم اما الاخر فهو العملاق ابراهيم عماشششششششششششة

الخدمه مدامت مدفوعه الاجر تبقى مش خدمه بمعنى انه لوعضو مجلس شعب او شورى يبقى صوتى هو اجره المدفوع مقدما او المنتظر فلا يوجد احد خدم البلد سوى القليل وعلى سبيل المثال العميد احمد طويله فى مجال الجيش و الاستاذ ابراهيم العفيفى فى مجال الكهرباء و المرحوم الحاج محمود الحواوشى فى كثير من التبرعات و الدكتور احمد ضبيع وكلها خدمات ليس لها مقابل ولو فيه واحد خدم البلد بدون مقابل اذكروا اسمه

أعتقد أن ابراهيم عماشة هو من خدم القرية وفدم خدمات كبيرة لكل أهل القرية بصورة كاملة فهذا الرجل هو بحق رجل يستحق أن نرفع لة القبعات على ماقدم فانا اشهد انة قدم خدمات كثيرة داخل البلد حتى مع أبناء القرية خارج القرية كان دائما عونا لهم وأعتقدة انة الوحيد من يستحق ان نطلق علية ابن القرية الذى خدمها لانة فعلا ابنها البار الذى طالما عمل من اجلها

أبراهيم عماشه هو رجل الخدمات ولكن أين هذا الرجل ؟؟؟؟؟؟؟؟؟؟

تأتى الرياح بما لأ تشتهى السفن أعتقد أنه لن يرجع مرة أخرة
فقد خدعتة حشيتة وهذا هوا حال الزمان

السلام عليكم

ارى انه حان الوقت لنعطى لهذا الرجل حقه الذى غطته غيامات الحيل والالاعيب الانتخابية وكلنا يعلم ماذا حدث او احدثوه لابراهيم عماشة
الذى عرفه كل طفل فى البلد فضلا عن اهلها الكبار لقد كان صاحب ثورة نوعبة فى الاداء الانتخابى.وصاحب منهج واعد فى التعامل مع اغهل دائرته.واعتقد ان الرجل اذا وعد ب 100 وعد ووفى ب 50 فقط فكفاه فخرا فى ظل زمن يكسر مجداف الامل.
لقد ححق الكثيروالكثير. ولم يتلاعب او يشارك بها بل انا شاهد على كشفه لاى تلاعب من وراء ظهره
انه الرجل النبيل الذى يستحق التكريم والتقدير فى زمن يعج بالمتناقضات.
ولا انفى ما قام به اخى مجدى الامير لقد كان دائب الحركة حريضا على مصلحة القرية ومستفيدامن خبرات الاخرين

فلنترك القلوب تهتف بمن يستحق
تحياتى
ابراهيم حسان

محمد عزت هلال كتب:

أقولك أنا مين خدم البلد بدون أجر

المهندس ابراهيم عماشة والمحاسب مجدى الأمير

ومينفعش اقول صوتى هو الاجر لانه فى الاساس كعضو مجلس شعب او شورى مش مهمته انه يعملك مدرسة او يسفلت لك طريق لكن مهمته الاساسية انه يراقب الدولة ونظام الحكم لكن هو مشكورا بيستغل سلطته الرقابية فى انه يضغط على الوزير او المسئول عشان يبنى لك مدرسة او يسفلت لك طريق او يعملك مركز شباب .

لا يامحمد ياعزت صوتي اجر وبدون صوتي لن يصل هذا العضو إلي البرلمان وكونه يسهم في بناء مدرسة أو مستشفي أو أي عمل خدمي فهذا فرض عليه وواجب ...وأختلف معك في قول انه يضغط علي الوزير او يستغل سلطته غنها نكتة ولن اعلق عليها والتعليق متروك لجلسات مجلس الشعب والشوري والتي نري فيها السادة الأعضاء يلتفون حول الوزاراء للتعطف عليهم بالتوقيع علي طلباتهم وينسون وظيفتهم الأساسية في التشريع والصور معروضة علي شاشات تلفزيونات العالم كله والاستجوابات والاحاديث البرلمانية محصورة في شخصيات معينة .....وفي الدورة القادمة لأي انتخابات إذا ماوجدنا تقصيرا من هذا العضو أو غيره ستجده خارج المجلس لانني لم أعطه صوتي أي أن المسألة في النهاية محسومة ....فالنائب ممثلا لي وعليه بتغطية خدمات الدائرة التي يمثلها وكوننا نحتاج مدرسة أو مستشفي فهذا فرض عليه