مشروع ممكن تشارك فيه بس المكسب ثواب كبير

الزبالة المفيدة
**********************
عنوان غريب مش كده لكن الأغرب إنك تقرأ العنوان وما تخشش تشوف إيه الموضوع بالظبط ولو خشيت تطلع من المولد بلا حمص يعنى ما تحاولش تشاركنا برأيك الموضوع وما فيه إن إحنا عاوزين نستفيد من الزباله الى بتنتج عن إستعمالتنا المختلفه وإلى الوحده المحليه بتاخد مننا فلوس علشان تزل أنفاسنا وفين وفين لما تحن علينا وتبعت لنا الجرار الى بيشيلها المهم عاوزين كل ست بيت يبقى عندها كيسين فى مطبخها كيس منهم للزباله العاديه الغير مفيده والكيس الآخر لنوع آخر من الزباله ودة إلى إحنا عاوزينه طيب زى إيه اقول لك! زى زجاجات الزيت الفارغه طبعا ًاوأى علب بلاستك او قطع حديد مهما كانت صغيره الخلاصه أى شىء ممكن يباع لبتوع الروبابيكيا الأشياء الصغيره دى لو عملنا لجنه من شباب القريه لتجميعها فى مكان معين وليكن فوق سطح مركز الشباب مثلا ً وكل شهر تباع هذه الأشياء لصالح لجنه الزكاه بالبلده لصرفها على المحتاجين من ابناء القريه وطبعا ً الأشياء البسيطه دى لا تمثل اى ثمن لأى بيت ولكن بتجميعا هتعمل مبلغ حتى ولو كان ضئيل بس يبقى إسمنا عملنا حاجه مفيده لبلدنا مش كده ولا إيه
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*

والله الفكرة حلوة لكن عشان تنجح أقترح اننا ننفذها على مراحل بنظام حارات يعنى نبدأ الموضوع ده فى حارة الجامع الأول وبعدين حارة المدرسة والناس تقول بعضها وكده يعنى

كل هذا الكلام جميل فعلا ....لكن هل سيتقبل الناس الفكرة أصلا ...ام سيأخذون الموضوع باستخفاف

هو اغلب الناس هتاخذه باستخفاف لكن مع مزيد من الصبر والتوعية هينجح إن شاء الله

يا ريت نقوم بهذا الموضوع خاصة اعضاء المنتدى (5)وفى اقرب وقت

فكرة كويسة بس لازم يكون فيه واحد مسؤل عنها يعني مثلا واحد يوزع علي كل بيت كيس بلدية كبير وكل اخر شهر يروح ياخد الكيس لاني اشك ان الناس هتودي الحاجات دي للمكان الي هيتحدد للتجميع ومتقلش داثواب لان فية كتير من الناس مش هتودي ولو كنا عوزين احنا الثواب يبقي نهتم بالموضوع من البداية للنهاية  دا مجرد اقتراح