منتديات جديدة المنزلة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


جديدة المنزلة
 
الرئيسيةأحدث الصورالتسجيلدخول

 

 الله يخرب بيتكم

اذهب الى الأسفل 
2 مشترك
كاتب الموضوعرسالة
محمد حمزه
جديداوى نشيط
محمد حمزه


عدد الرسائل : 69
العمر : 37
الموقع : الامارات العربيه المتحده
العمل/الترفيه : مندوب مبيعات )
تاريخ التسجيل : 21/11/2007

الله يخرب بيتكم Empty
مُساهمةموضوع: الله يخرب بيتكم   الله يخرب بيتكم Icon_minitime1السبت 15 مارس 2008, 3:55 am

بصراحة من فترة نفسى اكتب الرسالة دى


بس كنت بعالج مرارتى من الانفقاع


هتقولولى يا امريكانى واية الى فقع مرارتك


هقولكم طبعا وانا اقدر اخبى عن صحبة حاجة


خير اللهم اجعله خير

قال ايه قاعد فى المشروع امبارح وواحد جنبى ماسك جرنان وبيقرأ فية
فعملت عبيط وقعدت اقرا بنص عين الاخبار المكتوبة


وقال اية يا اخويا الاقى فى الصفحة الاولى فى الجريدة الرسمية الاولى خبر بيقول


مظاهرة تقيمها فتيات الطبقة الراقية

قلت اكيد عايزين يقيموا مظاهرة علشان احساسهم بان النبى اتهان

ولا علشان الناس الى فوق تتلحلح شوية وتشوف حل لقضية القدس


اللى حمضت من الانتظار فى الملفات

ولا حتى تشوف حل لمطبات الشوارع ولا الغلاء

ولا فاتورة التليفون الجديدة ولا يمكن لتحرير العراق المغتصب ارضة ونسائة

ولكن فوجئت انى مواطن مش عايش فى الدنيا

وانى متاخر تلاتة مليون سنة على الاقل عن الاحداث الجارية

ورحت ضارب بعينى فى السطر الاولانى فى الخبر اقرا بقى

وقلبى فرحان ان تحرير المراة جاب فايدة

الخبر بيقول اية

فتيات الطبقة الراقية فى مصر عاملين المظاهرة بالعربيات بتاعتهم

ورافضين اى واحدة تروح من غير عربية

قلت وماله هما برضة الطبقة الراقية

مش معقول هيبقوا زينا ويمشوا على رجليهم

وكمان دول بنات يعنى السترة ليهم افضل جوة العربية

علشان الطوب والدبش واى خناقة فى المظاهرة برضة

ولان الموضوع منظم ودى صورة مصر قدام العالم

فلازم نبقى عالم شيك افهموها بقى
بكمل بقية الخبر لقيتهم كاتبين

على كل فتاة تشترك فى المظاهرة انها تجيب صورة للنجم

قلت نجم اية يكونش مصر بقى فيها وكالة فضاء زى ناسا بتاعة ماما امريكا

قعدت اضرب اخماس فى اسداس


يمكن فى حاجة جامدة اوى علشان يعملو كدة

المهم رخمت على الراجل صاحب الجرنال


وركزت بعينى فى الصفحة علشان افهم لية المظاهرة

تتوقعوا بقى ليييييييييييييييييية المظاهرة

اقولكم ولكن خلو بالكم

قسم المرارة المفقوعة مليان على الاخر بالشعب المصرى والشعوب المجاورة

فكل واحد يحافظ على مرارتة

تصوروا السبب الرهيب

فتيات الطبقة الراقية تقيم مظاهرة بالسيارات امام نادى الاهلى بيعترضوا على مغادرة الحارس العملاق


عصام الحضرى

ويشترط لحضورالمظاهرة ان تاتى الفتاة بالسيارة

وان تلصق بوستر للنجم على الزجاج الخلفى للسيارة

واى فتاة لن تفعل هذة الشروط لن يعتبروها متظاهرة معهم

انتهى الخبر

اة والله العظيم مش بهرج ولا بكدب

مصر ام الدنيا يا نااااااااس

كفاياكم رجعية وتخلف

ان مكانش هيتظاهروا علشان عصام الحضرى هيتظاهروا علشان مين وعلشان اية ؟

الله يخرب بيوتكم

نفسى افهم اية الى هيحصل فى المظاهرة دى ؟


هيرعبوا امن النادى بالكلاكسات ويعملوا بيب بيب ؟؟؟

ويقولوا ارقص يا حضرى دى المظاهرات ؟؟؟

لاعب عادى ساب بلدة علشان الفلوس وقال مصلحتى اهم من بلدى يتعملة مظاهرة ؟؟؟؟

هيا دى القضايا الى شاغلة عقل بناتنا ؟؟؟؟؟

هيا دى البنات الى مفروض هتطلع وتربى اجيال زى صلاح الدين ومحمد الفاتح ؟؟؟؟

او ممكن تطلع شوبير و حمادة امام تانى

هيا دى البنات الى مفروض نص المجتمع ؟؟؟؟؟؟؟؟؟

خلاص بقى عصام الحضرى هو شاغلهم الوحيد
انا متصور منظر امن النادى المساكين

وهما بيتحدفو بالبسكويت الى بيعور

كانت الاصابات بالغة خاصة من البسكويت الى محشى عجوة كان فتاك


طيب يعملو مظاهرة على الفلسطنيين على العراق على اى حاجة تانية كويسة على غلاء الاسعار يعنى ناس هاى وبتعمل مظاهرة على غلاء الاسعار تبقى كويسة يعنى الشعب يحس ان الناس اللى فوق حسوا بكدة

انا مش عارف اقول ايه مظاهرة علشان عصام الحضرى الله الله الله يا بنات اخوكم/محمد حمزه
الرجوع الى أعلى الصفحة اذهب الى الأسفل
عطا درغام
Admin
عطا درغام


عدد الرسائل : 3772
العمر : 54
تاريخ التسجيل : 15/03/2008

الله يخرب بيتكم Empty
مُساهمةموضوع: رد: الله يخرب بيتكم   الله يخرب بيتكم Icon_minitime1الجمعة 21 مارس 2008, 12:25 am

أين سنذهب

اتتذكر موضوع النكرة تامر حسني والذي قبض عليه هو وإمعة أخري بسبب تهربهم من آداء أسمي واجب وهو خدمة الوطن..........تري ماذا حدث....هل طالب الشباب بتطبيق أقصي العقوبة عليه.......لا بل قامت المظاهرات لأجل الإفراج عنه وخصوصا من الجنس اللطيف ......وعلي فكرة هاجمت تصرفه في إذاعة المدرسة وبدلا من أن يتفاعلوا ويتأثروا لامونني علي انني هاجمت ملهمهم الهمام الذي سيخلص مصر من كل ما حل بها وستصبح مصر متقدمة بتامر حسني وأمثاله ........وعمار يامصر



عطا درغام
بورسعيد
الرجوع الى أعلى الصفحة اذهب الى الأسفل
https://gideda.ahlamontada.com/profile.forum?mode=editprofile&
R_T
زائر




الله يخرب بيتكم Empty
مُساهمةموضوع: رد: الله يخرب بيتكم   الله يخرب بيتكم Icon_minitime1الإثنين 24 يناير 2011, 8:01 am

[b][i]لا حول ولا قوة الا بالله
حسبي الله ونعم الوكيل
فعلا مصر ام الدنيا
الله يهدي الجميع
الرجوع الى أعلى الصفحة اذهب الى الأسفل
 
الله يخرب بيتكم
الرجوع الى أعلى الصفحة 
صفحة 1 من اصل 1
 مواضيع مماثلة
-
» بدأ البث اليوم لقناة الدفاع عن رسول الله صلى الله عليه وسلم
» بعض الأحاديث الموضوعة علي رسول الله (صلي الله عليه وسلم)
» إلا رسول الله -صلي الله عليه سلم-
» يا الله
» [b]فلنبدأ بذكر الله[/b]

صلاحيات هذا المنتدى:لاتستطيع الرد على المواضيع في هذا المنتدى
منتديات جديدة المنزلة :: المنتديات العامة :: قضايا وأفكار-
انتقل الى: