اشرف رفعت خوينس جديداوى
عدد الرسائل : 22 تاريخ التسجيل : 09/05/2008
| موضوع: ملعون ابو القرش الحرام لوحتى دام الثلاثاء 11 نوفمبر 2008, 2:42 pm | |
| ملعون ابو القرش الحرام لوحتى دام
عمر ال عايش عالحرام حاسس بحسره وانهزام
فيه ناس بتفرح بالحرام
وناس تبيع على ناس كلام
وانا حتى لو راح املك زمام
وفلوس كتير وبقا الهمام
احسن اعيش دايمآ خفيف
والقرش عندى يكون نضيف
الله يبارك فى الرغيف
واعيش فى وسط الناس شريف
اما ال عامل شغلته يكسب حرام ويبع ورق
وتملى يمشى فى سكته مع ان اخرتها الغرق
يعمل زنوب ويقول هتوب والعمر منه ينسرق
وعشان يفوق حتما يدوق لما يطب ويندلأ
دالقرش لو جه كمن بلاش
عمره ماهيعين عالمعاش
وكفايه تانيب الضمير
قرش الحرام حتما يطير
قرش الحرام مايسد جوخ
ويطير بسرعه ولا الصاروخ
انا عاوز اعيش لو كان فى كوخ
احسن ماادوخ
قرش الحرام زى الكابوس
وابقا ليه عبد الفلوس
دالدنيا فيها كتير دروس
ملعون ابو دنيا الفلوس
انشالله اعيش من غير غاموس
وافوق تملى من الكابوس
صحصح وفوق يابن الحلال
مافيش اغلى من القرش الحلال
ولاعمر فيه فى الكون محال
دى دنيا اخرتها الزوال
ربى العيال كده عالحلال
انشالله هتشق الجبال
ارجع لربك يوم وتوب
ارجع وكفر مالزنوب
والله لو مليان زنوب
ارجع لربك يوم وتوب
قرش الحرام داشىء فظيع
ومهما طال حتما يضيع
بيكره الابن فى ابوه
ويوقع الاخ فى اخوه
ملعون ابو القرش الحرام
ملعون ابوه لو حتى دام | |
|
حلم الليل والنهار جديداوى مبدع
عدد الرسائل : 156 تاريخ التسجيل : 23/11/2008
| موضوع: رد: ملعون ابو القرش الحرام لوحتى دام الإثنين 24 نوفمبر 2008, 2:43 am | |
| الحرام لا يدوم والحلال يدوم | |
|
احمد عجوة جديداوى مخلص
عدد الرسائل : 660 العمر : 33 تاريخ التسجيل : 08/07/2008
| موضوع: رد: ملعون ابو القرش الحرام لوحتى دام السبت 31 يوليو 2010, 12:18 pm | |
| | |
|