موش مجرد جزمة طارت والسلام!!
جزمة تختصر الكوارث ...
والحاسس بالمصيبة يعرف انه يستهلها ابن الحرام!!
**** *******
************
اسمعوا اصل الحكاية والرواية..
قبل ماتتوه القضية مننا وسط الزحام...
الحكاية انو شاف فى الشرق زيطه...
ناس بتهبش ..كله عايش بزرميطه..
قام عمل لينا ال(خريطة).....(1)
حل راح ينهى الحروب
وبغباؤه..جه وولعها هنا ابن العبيطه...!!!
واسمعوا باقى الكلام
************
************
خلى شيعى يحكم اليوم العراق..
وصى جنده يسرقو عرض الصبايا فى كل حاره وميت زقاق..
هوا ينهب..والمجالس ..اللى هيا ..بيطبخو( فيتو) (2) برقاق....!!!
مجلس الامن اللى خدها سبهلله...
لماجاب لشعوبنا يا خونا الفتاق..!!!
************
************
امابوش...
جبننا خلاه يزربح فى الوسيه
جحش سايب عشته بين الناس خطيه..
والقضيه !!خلاص ما( ليزا) جيا هتحل القضيه...!!!(3)
مسكوا الظالم يصحبى من زمان كل الزمام
***********
***********
ايه يفيد الحل عندى والجمل فى الشرق بارك..!!!
ايه يفيد ويهود غجر.. سدوا فى عيونا المسالك..!!
وان صرخنا ..هددونا بالمعونه..وبنجونا( بالمونى) وحبة تكاتك!!!(4)
هيا دى بداية الحكاية
لما باخت والعرب نسيوا الهويه
سابو اقصانا الجريح جتهم رزيه
*************
*************
منزمان مستنى واحد مننا ميكونش باع..!!!
رافض انه يكون جبان وسط الرعاع..
هو فارس...!!! جزمته سهمه..ورمحه!!
جزمته طارت فوشه..فرحت قلبى اللى قرب ينسى فرحه
جزمته..باسم العرب هتداوى جرحه!!
بيها نبدأ نحكى عن قمه وتفاوض..!!
بيها نقوى...بيها يتحقق سلام..!!
*************
*************
بكرا اوصى الجزمجى حكشه فحرتنا
فجزمتى يزود حديده..!!!
لجل لما تطول سعدته..
تبقى دى الضربه الاكيده..
فيها ايه لما احط فى جزمتى حتة حديده!!
ما انتا ياما الشرق عيشته يشوشو على الحديده...!!!
جزمتك يا زيد وسام فوق وش بوش
هوا واحد من عصابه جت بلدنا مبرحموش
والباع ليهم وخلص..!! هما اصحاب الكروش..!!!
**************
**************
جزمتك.... انهت تاريخ الذل فينا...
جزمتك....طارت فوشه فرحت ليلى وسكبنه...
وبأدينا..راح نجيب شنطةجزم
استبن لينا..!!!
لما يظهر مننا ظالم هياخد بالقديمه....!!!
*************
*************
جزمتك..طارت يصحبى فى العلالى..
وقفت كبره وغروره..
دى الرساله لكل اصحاب المعالى..
ودول كتير ..كلواحد جى دوره..!!!
هما دول من غير مجامله..
اللى جابو لشعبنا عرق النسا ...وتعب الدوالى..!!
************
************
ا للى زيك يا عراقى يستحق يكون همام
واللى زيه...حمار حصاوى
بس نقصه بردعه وسرج ولجام..!!!
بلى زيك راح نخطى للامام
***********
***********
يا عراقى ...جزمتك رمز السلام
جزمتك..بوسه وداع لابن الحرام...!!!
***********
***********
******
****
ابراهيم حسان
السعودية
(1)الخريطة .... خطة خارطة الطريق
(2) ليزا كوندليزا رايز وزيرة الخارجية الامريكية
(3) المونى .... المال والفلوس
(4) فيتو......حق الفيتو
.