انا طفلة فلسطينية
اسمى ؟ مش مهم اسمى المهم هويتى العربية
شكلى ؟اتمحت كل الملامح
الشظايا دمرت كل شىء
سلبتنى حتى نور عنيه
عمرى كام ؟ما اعرفوش
لانى اصلا ما عشتهوش
الى عشته كان كابوس مليان اسيه
الكلاب حاصروا مدينتى وحاصروا قوتى
حاصروا حضانتى ولعبتى
حاصروا حتى الضحكه فيه
الكلاب رملوا امى ويتمونى
وسألت فين العروبه؟
قالوا العروبه مداريه
انا قلت ليه خايفه؟
ولا عملالها عمله ومستحيه
ناديت وقلت انتوا فين يا مسلمين
دانتوا امه مش هفيه
انتوا فين يا مسلمين
قلوبكم ليه اسيه عليه
انا طفلة فلسطينيه
كل حلمى اصحى يوم
على صوت اذان مش مدفعيه
كل حلمى اكون زى اطفالكم
اجيب لامى فى عيدها هديه
بس استحاله
مش عشان ما املكش تمنها
لا عشان ما عدش فيه ام ليه
اغتالوها الكلاب زى غيرها
وزى ما اغتالوا الالاف من الرعيه
انا طفلة فلسطينيه
كل حلمى يكون لى بيت ومدرسه
امشى ما اخافش من رصاص البندقيه
نفسى فى يوم اقول يا بابا واقول يا ماما
بس استحاله الكل راح تحت الحصار
واخاف اكون مجهولة الهويه
انا مش نفسى فى قرار من قمة فاشله
ولا نفسى صورتى تترسم فوق الجدار يا امة عاجزه
انا نفسى اعيش بدون حصار وبدون دمار
اظن دى احلام عاديه
انا طفله فلسطينية
[size=29]كلمات \وائل ضبيع[/size]