كـــــــــــــان يااااااماكــــــــــان

جديداوى عدد الرسائل : 6 تاريخ التسجيل : 13/11/2007

احبائى الاعزاء
السلام عليكم ورحمه الله
انا بصفتى مواطن من ابناء قريه جديده المنزله فاحب دائما ان ارى بلدى فوق كل اعتبار اريد ان اراها منارره او فنار بدل من ان تهتدى اليه السفن الضاله بل تهتدى اليها البلاد المجاوره تكون عاليه يضرب بها المثل ويحتذى بها........
ان وضع هذه القريه الصغيره والتى يبلغ عدد سكانها خمسه اوسته الاف نسمه انى اراها غابه البقاء للاقوى انعدمت القيم والمبادىء الصغير لايحترم الكبير............... والكبير لاينظر بعين الرحمه والعطف الى الصغير انقلب فيها كل شىء
اين المبادىء اين الفيم اين الحب اين الوفاء فيما ذهب كل هذا من فتره زمنيه صغيره ليست بعيده كانت هذه القريه مالالكل القرى المحيطه بنا كانت علم بين القرى وهذا يرجع الى اهلها كانو يحبون بعض ولو حدث عند اى فرد فى القريه مصيبه لا قدر الله لتجد الكل كبير وصغير موجود يشارك ويواسى ويساعد بالقول والمشوره والمال والماكل والمشرب حتى الفلاحين فى الغيطان < الحقول> كان يوجد شىء اسمه المزامله سواء بالافراد او بالمواشى............................
ماذا حدث الان انقلب كل شىء لقد انتشر الفساد وعم الكره والحقد بين كل الطبقات وبتجربه بسيطه وامام
الكل رايناها رايناها جميعا ولمسناها عندما عنما عمل الاستاذ محمد عزت المنتدى هذا عمل عظيم ويجب ان نتخذه وسيله للتقارب والحوار وازاله جميع المشاكل التى بيننا عن طريق المنتدى الكلمه الحلوة والافعال الطيبه تعرض على المنتدى لتكونة حافز للغير ان يفعل مثله\\\\ولككككن للاسف وجدنا العكس وجدنا الشتائم والسباب والى عنده سر على واحد ولو مقالوش بيفكر يقوله ياجماعه احنا عاوزين نحب بعض ونحترم بعض حتى نثبت للاخرين باننا كبار واد المسؤليه
والى اللقاء
مع تحيات

حمدان حسين

يا أستاذ حمدان انت عندك حق فى كلام كتير قلته ان المشاركة بين الناس قلت والحب قل لكن لم يختفى ومازال هناك الكثير من الناس بتحب بعض وخصوصا فى جديدة المنزلة وده مش كلام لا دى حقيقة وهقولك مثال قريب كان فيه عضو على المنتدى اسمه ( الصراحة المؤلمة ) دخل طايح فى الكل يمين وشمال ويشتم ويسب لاقينا كل المنتدى وقف وقفة رجل واحد ضده واثبت ذلك حب الجدايدة لبعض وانا مبقولش ان مفيش ناس وحشة لا فيه بس الحمد لله قليلين عندنا فى الجديدة زى الاعضاء اللى بتخش تشتم واحنا بنتصدى لهم عموما مشاركة جميلة يا أستاذ حمدان ونحب نسمع رأى جميع الأعضاء

توضيح جميل من الأستاذ حمدان وفعلا الناس معادتش تخاف على بعضها زى زمان والموضع ده فى كل الدنيا مش فى الججديدة بس كله همه على مصلحته وبس بس نرجع ونقول ان القرية عامة مازال فيها شوية طيبة والناس عارفة بعضيها شوية بعكس المدن الى القتيل يتقتل فيها ولا حد يحس بيه

الاخ العزيز الاستاذ حمدان لقد طرحت موضوع مؤثر جدا فانا معك تماما فى الاختلاف الساسع بين زمننا هذا والزمن الذى ولى فى قريتنا العزيزه بل وفى كل انحاء مصر زمان كانوا يقولوا الجدايده مش بتوع مشاكل وربما اعتقدها البعض جبنا من ابناء القريه وخاصه لما يكون هناك مشكله بين ابناء قريتنا والفروسات ولكن كان السبب هو طيبه وحسن خلق ابناء قريتنا ولكن الان نجد بيننا الفتوات والبلتجيه والحشيشه وبتوع البانجو وحتى الاماكن الى بيتشرب فيها الهباب ده اصبحت موجوده بيننا وتبقى قاعد على القهوه وجنبك واحد بيحشش ولا عنده دم اصلا وكانه بيفتخر انه حشاش وطبعا لو حاولت تقول له كده حرام او عيب مش هتسلم من السباب وربما ضربه مطوه وهتبقى انت الغلطان والناس تقول لك خليك فى حالك اخى الفاضل لما انعدم الاحترام بين الصغير والكبير فكيف ستسال عن الواجب المفروض علينا تجاه اى محتاج اذهب يوما الى فرن العيش بالبلده وسترى الكبير ملتزم بالطابور والصغير يزاحم ويسب ويلعن ولو التزم كل واحد هيكون فيه احترام سيدى الفاضل زمان كان فى حاجه اسمها مصلحه البلد اولا والله يرحم ايام الباشمهندس ابراهيم عماشه كان فى رجاله فى البلد كلهم يد واحده علشان خاطر مصلحه البلد ولكن لما حدثت الخيانه العظمى وفقدنا الحاج ابراهيم عماشه نائبا لنا فقدنا السند ومن يومها بدء التفكك والانهيار فى الجسد الواحد واصبح الف قطعه والى لقاء اخر لاكمل كلامى اصل انا معبعب

الناس فى الجديدة أجدع ناس وأحسن ناس وكله بيحب بعضه واللى بيكره التانى بيقى نتيجة فتنة اتحطت المشكلة ان عندنا فى البلد شوية فتنة ومعروفين هما دول المشكلة واللى موقعين الناس فى بعض

زائر

كلامك جميل يامحمد يازهيري

عطا درغام
بورسعيد

موضوع جميل من الاستاذ حمدان ووصف رائع للواقع المؤلم