سرقة المواشى فى جديدة المنزلة

فى الفترة الأخيرة كثرت السرقة فى قرية جديدة المنزلة وخاصة سرقة المواشى

ما تعليقك على هذا الموضع موضحا الأسباب وطرق العلاج للمشكلة

والله الناس دلوقتى بيجلسم امام المواشى ليل ونهار خيفين يحصلهم ذى محصل لغيرهم وارجوا من الغفراء الاهتمام بهذا الموضوع المهم فى البلد لان القريه سمعتها الان مش كويسه....... وارجوا الاهتمام ...... وشكرا

ليه الغفر بسيبوا الأماكن اللى فيها سرقى ويرجوزا يقعدوا عند البحر فيه ايه يعنى طريق البحر عشان 50 غفير يقعدوا هناك
_________________

مية مية مية ........... احنا الجديداوية

ياترى مين اللى سرقها ..من داخل البلد ام من الخارج..اظن كفايه كده الفلاح مش مستحمل ..القطن فى النازل..وسرقة مواشى والله حرام..وعجبى ...........

قبل كده اتعمل غرفتين للخفر واحدة على موبرى المشروع والتانية على سكة القطر وجينا فى يوم ولاقينا الغرف اتهدت يا ترى مين بقى ورا الموضوع

لن يستطيع الامن بتعدد درجارته منع السرقة حتى لو نام انسان بجوارمواشيه ولكن التغيير لابد ان يكون فى انفسنا نحن ورحم الله ابابكر الصديق عندما ظهرت حالة لغش اللبن فى المدينة فانزل الصحابة لارشاد الناس فى الاسواق فذهب سيدنا ابو هريرة فوجد حالة لغش اللبن فى المدينة فذلك طامة كبرى ان يظهر حالة لغش اللبن فى امة النبى فقال ابو هريرة لذلك الرجل ماذا تقول لربك يوم القيامة عندما يقول لك افصل اللبن عن الماء فتاب الرجل وعزم على الا يفعل ذلك مرة اخرى فمن هنا لابد من الارشاد الدينى ودوره لابد من الصحوة الايمانية بجانب دور الفلاح من اليقظة ودور وضمير الامن

على فكره المواشى رجعت ولا لسه

لسا يا أستاذ محمد

السلام عليكم احب اوضح نقطة ياجماعة انا الجديدة اكتر بلد على الخط بيحصل فيها سرقة بكل انواعها

وبغض النظر عن اسبابها انا بنظر للسلبية الرهيبة الموجودة فينا وعدم اتخاذ اى خطوة ذات فعالية فى الموضع مثل تقديم شكوى باسماء جميع الحرامية اللى فى البلد وهم معروفين ياجماعة!

لان مستحيل حرامى غريب هيجى يسرق وميكنش معاه حرامى من البلد

حاجة تانية احنا النهاردة المواشى بتروح والواحد نايم جانبها بكرة تبقى السرقة بالاكراة وفى كل شىء ولازم يعلا صوتنا اكتر من كدا

فعلا يا أخ عمرو الدليل من البلد أكيد

وزى ما قلت ربنا يستر ومتبقاش بالاكراه

الاستاذ عمرو والاستاذ محمد عزت اللى بقولوا ان اكبر بلد بتحصل فيها سرقة بلدنا الكلام ده صحيح لان اكتر الاجران بعيدة عن البلد والحتة دى فى بلدنا كتير مش زى البلاد التانية واكيد الحرامية مش من البلد

على كده البهايم رجعت ولا لسا

أرجو من الأعضاء عدم مناقشة هزا الموضوع

يا ابو الشبراوى لما تبقى تعرف تكتب ابقى اتكلم

يا عم الادمين بالراحة شويه ع الناس دول بيكتبوا بطريقة عامية

يعنى مشى حالك وبعدين ده رأى ابو الشبراوى هو حر

وعايز اقابلك يا عم الادمين

يا عم أنا بهزر مع الشبراوى انت مالك انت يا أخى مش عارف فيه ناس بتحشر نفسها فى حاجات كده وخلاص وعموما لو عايز تقابلنى اطلبنى على الخط الزيرو عشرة او الزيرو 11 ان مكنش اطلبنى على تليفون العربية ان مكنش اطلبنى على اى رقم من تليفونات الشركة أو اطلبنى فى البيت او اقولك تعالالى قهوة المناصرة وخلاص

انا كلمت السكرتيرة قالتلى مسافر

ربنا يجيبك بالسلامة

هههههههههههههه

او اقولك خلى الطيارة تيجى عند الجامع وخلاص

حبيبى ابو عزت

الموضوع مهم جدا ولازم البلد تفعل شىء من اجل هزه السرقه من اجل الفلاح ومن اجل الناس وفين الغفر ليه فيه اهمال ارجو الاهتمام فى هزه الموضوع لا اله الا الله

معلش انا نسيت شىء مهم جدا وهو الى سارق البهايم طبعا بل اكيد من البلد والناس عارفه مين هما ومفيش حد بيتحرك وكلام الاستاز مسعد جميل جدا بس نقول لمينوالاستاز محمد حبيب صح خايف على الفلاح ولا ده حرام يالى بتقول الارضب0000 بلاش كده كفايه الغلب الى هوا فيه لا اله الا الله

انا اقصد غلب الفلاح موش حاجه تانيه

ممكن أسأل سؤال يا أستاذ عصام انت مين فى البلد

زائر

يا عصام ده منتدي حواري لاولاد البلد مش منتدي لأمن الدوله او منتدي خلاعي او اي منتدي تخجل منه علشان كل واحد يخبي اسمه الحقيقي انا اعتقد ان الدخول باسم مستعار في المنتدي عار لانك كده زي اللي ماشي في البلد ومخبي وشه ....... كمان اعتقد ان الاسم المستعار ممكن يكون ستار لتجريح الاخرين ....

ياعم الغفر واقفين علي الكوبري.........عشان يشوفوا أي دورية جايةويدوا التمام..........وبعدين هم هيفضوا للبلد ولا لقعدات المعسل والشاي اللي عند الكوبري

عطا درغام
بورسعيد

عندك حق و الله وكأنك موجود وشايف المنظر

ماهو صحيح انا كل ماجي ازولر البلد ألاقيهم قاعدين القعدة دي ...............كأن البلد كلها انحصرت عند الكوبري وتتحرق بقية البلد.............وعجبي

عطا درغام
بورسعيد
_________________
لا شيء أدعي إلي إبراز أصالة الكاتب وشخصيته من أن يتغذي بآراء الآخرين .فما الليث إلا عدة خراف مهضومة

سرقة المواشي ليست في الجديدة فقط

تتم ظهرا.. بأساليب جديدة ومبتكرة:
سرقة المواشي.. عفريت مخيف يطارد الفلاحين في بني سويف

addthis_pub = 'didosh';

تقرير: محسن عبدالكريم انتشرت في الآونة الأخيرة ظاهرة سرقة المواشي في قري محافظة بني سويف، وأصبحت شبحاً مخيفاً يؤرق الفلاحين ويهدد رزقهم الوحيد، أعلن المزارعون وأصحاب المواشي عن غضبهم وتعددت البلاغات الرسمية في محاضر الشرطة، في نفس الوقت تزداد حوادث السرقات من الحقول الزراعية والمنازل، المثير أن السرقات تتم في وضح النهار وتحولت إلي لغز كبير بشكل يومي،
ومن المفارقات أن لصوص المواشي ابتكروا أساليب جديدة لمغافلة المزارعين وهو ما أثار فزع الأهالي خاصة أن سعر الماشية يقدر بآلاف الجنيهات وهو ما شجع اللصوص علي السرقة، ومن هذه الأساليب الواقعة الغريبة والمثيرة التي تعرض لها المزارع م. ع من إحدي قري مركز ناصر فقد فوجئ الأهالي البسطاء بسيارة فارهة سوداء ينزال منها شابان يرتديان ملابس أنيقة وقاموا بتحية الأهالي، وادعيا أنهما من هيئة الخدمات البيطرية للإشراف ومتابعة المواشي والأغنام من الأمراض وفجأة غافل أصحاب السيارة الفارهة الأهالي وسرقوا مواشي مزارع وفرا هاربين، ولم تتوقف حوادث المواشي عند هذا الحد بل قام بعض اللصوص في مركز إهناسيا بهدم الحضائر الموجودة علي أطراف المنازل واستولوا علي أعداد كبيرة من المواشي والأغنام، وتبين قيامهم بخلع حوائط الحظيرة، وعمل فتحات بها علي الرغم من تواجد أصحاب المنازل، الأمر الذي أصاب المواطنين بالرعب، في الوقت الذي انعدمت فيه الرقابة الأمنية من قبل بعض الخفراء المتواجدين بالقرب من بيوت المواطنين، لتقاعسهم عن المرور ليلا علي منازل القرية، فيما تشهد القري المحيطة بالعاصمة ارتفاع معدلات سرقة المواشي بطريقة المغافلة وانتشار بعض السيارات علي جانبي الطريق في وضح النهار والتي يقوم أصحابها بسرقة الأغنام بطريقة وضع كمية من الذرة والحبوب داخل السيارة وعندما تقبل هذه الأغنام علي التقاط حبات الذرة يقومون بغلق الأبواب عليها والفرار بها وهذا ما حدث في قري شريف باشا حيث قام أحد المزارعين في قرية منقريش بالخروج خلف جنازة أحد المتوفين من القرية وعقب عودته من تشييع الجنازة فوجئ باختفاء الجاموس والأغنام في وضح النهار، ولم يجد المواطن سبيلا لعودة ثروته الحيوانية سوي بالإبلاغ عن السرقة في نقطة الشرطة فالمواشي هي مورده الوحيد من اللبن والجبن له ولأسرته.. وما حدث في سوق المواشي بقرية »تلت« يكشف أن لصوص المواشي لم يكتفوا بارتكاب حوادث السرقة بل لجأوا إلي أسلوب النصب داخل الأسواق بعدما انتشرت العملات المزيفة، وتبين قيام لصوص المواشي بالتنكر في زي تجار، وقاموا بشراء عدد كبير من الأبقار والجاموس بمبالغ كبيرة مزورة، ولم يكتشف أصحاب المواشي عملية النصب إلا بعد تحميل المواشي وتكررت هذه الوقائع في غالبية الأسواق ومحاضر الشرطة خير دليل علي خطورة هذه الظاهرة التي تعتبر ثروة اقتصادية لدي المزارعين لما تدر عليهم من أرباح.. وأمام انتشار وتزايد حوادث سرقة المواشي التي شغلت الرأي العام في ربوع محافظة بني سويف والمراكز الإدارية وأيضا حالة الخوف والرعب الذي سيطر علي السيدات في مدينة بني سويف بسبب خطف المشغولات الذهبية بالطريق العام من السيدات من بعض الشباب قائدي الدراجات البخارية الذين انتشروا بشكل مخيف في الميادين العامة ويستغلون سير السيدة ويخطفون شنطة السيدة والمشغولات الذهبية.وطالب المواطنون بالمحافظة بضرورة تكثيف التواجد الأمني لإعادة الانضباط والأمن إلي الشوارع والقري!!

مع الأسف اللصوص من القرية